De nieuwe Steinder Oktoberfest königin Vivian Vranken

𝙑𝙞𝙫𝙞𝙖𝙣 𝙨𝙩𝙚𝙡𝙩 𝙯𝙞𝙘𝙝𝙯𝙚𝙡𝙛 𝙚𝙫𝙚𝙣 𝙖𝙖𝙣 𝙟𝙪𝙡𝙡𝙞𝙚 𝙫𝙤𝙤𝙧:

Ich bin geboare en getogen in Stein. Mit mien ouwers Jos en Maria Pepels in Kerenshei gewoont. En woon mit Willy al 25 joar in Nieuwdörp. Door de joare heen zeen össe kinjer geboare Sanne *, Isa en Tom. Is ös gezin oetgebreid mit Bo, össe Australiën Sheperd. En neet te vergete Ralph, de vrünjt van Isa.

Ich hub altied al gewirk mit kinjer mit ein beperking. Hub al veul kinjer zeen greuie in kleine en groate stappe. Sinds veurig joar bin ich hjelemoal op mien plek bie ut kinjer behandel centrum van Radar.

In össe vrije tied goan ver mit össe hönd aan de trampel en pakke ver de fits. Alles röndom cv Hötjes Moos geuft ös veul plezeer. Veer genete same mit össe kinjer, familie en vrüjn van ut laeve.

Mien sjönzuster Tamara is mich in 2018 veur gegange es Oktoberkoningin. En zwoa zeen veer der ieder joar bie gewees. Dit joar bin ich 50 gewoare en woard der gegek dat 50 were toch ein good joar zou zeen om auch koningin te were. En toen koam ut telefoontje van Nico. Moge ver langs komme? Ver wille get vroage. Der ginge get daag euver heen en doa woare Nico en Jan. Wilste össe oktoberkoningin were? Lang hoefde ich neet noa te denke: 50 were en de 11e oktoberkoningin! Toeval besteit neet.

Ich goan genete, fjëste en stroale dees daag Vier ut laeve!

𝘞𝘪𝘫 𝘸𝘦𝘯𝘴𝘦𝘯 Vivian, 𝘩𝘢𝘢𝘳 𝘧𝘢𝘮𝘪𝘭𝘪𝘦 𝘦𝘯 𝘷𝘳𝘪𝘦𝘯𝘥𝘦𝘯 𝘦𝘦𝘯 𝘩𝘦𝘦𝘭 𝘮𝘰𝘰𝘪 𝘖𝘬𝘵𝘰𝘣𝘦𝘳𝘧𝘦𝘴𝘵 𝘴𝘦𝘪𝘻𝘰𝘦𝘯 𝘵𝘰𝘦!